澳門人正笨七！

東亞運開支爭論今日終於真相大白，其結論就是︰澳門人正笨七！

澳門人唔笨七，就唔會俾班人亂咁使錢嚴重超支之後拍拍手好官佢照做，無人要負責。

澳門人唔笨七，就唔會俾班人亂咁追加預算又唔經立法會批。

澳門人唔笨七，就唔會俾東亞運比賽門票由其他政府部門包銷之後組委會大大聲吹水話自己門票銷售理想，查實就係政府左袋入右袋。

澳門人唔笨七，就唔會俾班人好大喜功鍾意點整就點整完全唔使理荷包有幾錢。

澳門人唔笨七，就唔會俾班人係威係勢任意刪其他公共工程費用俾佢地使。

澳門人唔笨七，就唔會俾個組委一句最荒天下之大謬0既 “各項工作皆無先例可循”大話所蒙騙。

澳門人唔笨七，就唔會選班笨七議員出黎大家圍威喂拍膊頭乜野監管都做唔到。

澳門人唔笨七，就唔會容許政府高官個個唔出聲當無件事縱容下屬亂使公帑唔負監督責任。

澳門人唔笨七，就唔會俾政府件件工程玩追加，但明知係自己友先報細數接工程之後勢成騎虎話要追加。

澳門人全部容許呢0的事發生，所以澳門人正笨七！

我要聲明，我唔係笨七澳門人，所以我要求︰
特首回應呢件事！
社會文化司回應呢件事！
所有立法會議員回應呢件事！你地成班友係度做乜叉監管工作架？
仲有，我要見到人頭落地，政府唔該點都推個替死鬼出黎為呢件事受死！

我要聲明，我唔想再做笨七，所以對傾緊個輕軌方案，唔該政府好好交代如何監管工程造價，你唔好再黎同我玩追加。

當然，最終我承認我笨七，因為我居然自認澳門人而澳門有個咁官官相衛明益自己人0既政府而我又無能為力得個鬧字！